സദ്‌ഗുരു ശ്രീ അനിരുദ്ധന്റെ ഭാവവിശ്വത്തിൽ നിന്ന് - പാർവതീദേവിയുടെ നവദുർഗ്ഗാ രൂപങ്ങളെക്കുറിച്ചുള്ള പരിചയം – ഭാഗം 3

←ഭാഗം 2     ഭാഗം 4 → 

 

സന്ദർഭം - സദ്‌ഗുരു ശ്രീ അനിരുദ്ധ് ബാപുവിന്റെ ദിനപത്രം 'പ്രത്യക്ഷ'-യിലെ 'തുളസിപത്ര' എന്ന മുഖപ്രസംഗ പരമ്പരയിലെ 1384, 1385 എന്നീ മുഖപ്രസംഗങ്ങൾ.

സദ്‌ഗുരു ശ്രീ അനിരുദ്ധ് ബാപു തുളസിപത്ര - 1384 എന്ന മുഖപ്രസംഗത്തിൽ എഴുതുന്നു.....

ഋഷി ഗൗതമൻ വളരെ വിനയത്തോടെ പ്രണമിച്ചുകൊണ്ട് ബ്രഹ്മവാദിനി ലോപാമുദ്രയോട് ചോദിച്ചു, “ഹേ ജ്ഞാനദായിനീ മാതാവേ! ഞാൻ സൂര്യകിരണളെക്കുറിച്ചും, അതിനാൽ സൂര്യമണ്ഡലത്തെക്കുറിച്ചും പഠിച്ചുകൊണ്ടിരുന്നപ്പോൾ, എനിക്ക് മാതാ കൂഷ്മാണ്ഡയുടെ ദർശനം ലഭിച്ചിരുന്നു. അത് ഓരോ സൂര്യബിംബത്തിന്റെയും നടുവിലായിരുന്നു. കൂടാതെ, ഒരു കടുവയുടെ പുറത്ത് ഇരുന്നുകൊണ്ട് സൂര്യനെയും, സൂര്യനു സമാനമായ മറ്റ് നക്ഷത്രങ്ങളെയും ചുറ്റിക്കറങ്ങുന്നതും ഞാൻ കണ്ടു. ഇതിനു പിന്നിലെ രഹസ്യം എന്താണെന്ന് ദയവായി എനിക്ക് പറഞ്ഞു തരാമോ?”

ഗൗതമനെ കൗതുകത്തോടെ നോക്കിക്കൊണ്ട് ലോപാമുദ്ര മറുപടി പറഞ്ഞു, “ഹേ ശുദ്ധബുദ്ധി ഗൗതമാ! നിന്റെ പഠനം തീർച്ചയായും വളരെ ശരിയായ പാതയിലൂടെയാണ് മുന്നോട്ട് പോകുന്നത്, നീ ഒരു സത്യസന്ധനായ സാധകനാണ്.

നിന്റെ ഈ സത്യസന്ധതയാണ്

മനുഷ്യജീവിതത്തിലെ എല്ലാത്തരം അന്ധകാരത്തെയും ഇല്ലാതാക്കുന്ന സൂര്യൻ, ഈ സത്യസന്ധതയാണ് മാതാ കൂഷ്മാണ്ഡയ്ക്ക് ഏറ്റവും പ്രിയപ്പെട്ടതും, അതുകൊണ്ടാണ് അവർ നിനക്ക് ദർശനം നൽകിയത്.

ഓരോ മനുഷ്യനും പലയിടത്തും, സത്യം അറിയാൻ തീവ്രമായ ആഗ്രഹമുണ്ടാകും, അങ്ങനെയുള്ള സത്യം അവരുടെ ആത്മീയ അധികാരമനുസരിച്ച്, ഈ കൂഷ്മാണ്ഡ മാത്രമാണ് അവർക്ക് വെളിപ്പെടുത്തിക്കൊടുക്കുന്നത്.

ഈ കൂഷ്മാണ്ഡയുടെ ചിരിയിൽ നിന്നാണ് എല്ലാ സൂര്യന്മാരും നക്ഷത്രങ്ങളും ജനിച്ചത്. കാരണം, അവൾ ആദിമാതാവിന്റെ മൂലപ്രകാശത്തെ പ്രതിനിധീകരിക്കുന്ന ശക്തിയാണ്. അതുകൊണ്ടാണ് അവൾക്ക് 'കാശി' എന്ന പേരുള്ളത്. പ്രപഞ്ചത്തിലെ എല്ലാ നക്ഷത്രങ്ങളുടെയും തേജസ്സ് ഒരുമിച്ചു ചേർത്താലും, അത് അവളുടെ തേജസ്സിന്റെ ഒരു അംശത്തിനുപോലും തുല്യമാകില്ല, അതുകൊണ്ടുതന്നെ, സൂര്യന്റെയും നക്ഷത്രങ്ങളുടെയും അടുത്തുകൂടി പോകുമ്പോഴും, അവൾക്ക് ഒട്ടും ബുദ്ധിമുട്ട് തോന്നില്ല.

മാത്രമല്ല, ഈ ഭൂമിയിലേക്ക് വരുന്ന സൂര്യന്റെ നേരിട്ടുള്ള സൂര്യകിരണളെപോലും, ഇവിടുത്തെ ജീവജാലങ്ങൾക്ക് സഹിക്കാൻ പറ്റുന്ന രീതിയിൽ ആക്കുന്നതും അവളാണ്.

പ്രകാശമില്ലാതെ ഒരു പുതിയ സൃഷ്ടിയില്ല, അവളെ(കൂഷ്മാണ്ഡയെ) കൂടാതെ പ്രകാശവുമില്ല. അതുകൊണ്ടാണ് അവൾക്ക് 'സഹസ്രപ്രകാശസുന്ദരി' എന്ന പേരും കൂടിയുള്ളത്.

ബ്രഹ്മർഷി കശ്യപൻ അവളുടെ സാധനയാണ്

ചെയ്തിരുന്നത്. അദ്ദേഹം നിനക്ക് നൽകിയ ജ്ഞാനം, അവൾ തന്നെയാണ് അദ്ദേഹത്തിന് നൽകിയത്. അതുകൊണ്ട്, അവളോട് എപ്പോഴും നന്ദിയുള്ളവനായിരിക്കാൻ വേണ്ടി ബ്രഹ്മർഷി കശ്യപൻ, യാജ്ഞവൽക്യൻ, വസിഷ്ഠൻ തുടങ്ങിയ ബ്രഹ്മർഷിമാരെയും കൂട്ടി ഒരു യജ്ഞം തുടങ്ങി. അപ്പോൾ ആ യജ്ഞകുണ്ഡത്തിൽ നിന്ന് കൂഷ്മാണ്ഡ പ്രത്യക്ഷപ്പെട്ട് 'ബലി' ആവശ്യപ്പെട്ടു.

എല്ലാ ബ്രഹ്മർഷിമാരും ആശയക്കുഴപ്പത്തിലായി. മൃഗങ്ങളെ ബലി കൊടുക്കുന്നത് അവരുടെ നിയമങ്ങൾക്കനുസരിച്ചായിരുന്നില്ല. അതുകൊണ്ട്, അവരെല്ലാവരും ആദിമാതാവ് അനസൂയയെ വിളിച്ചു, അവൾ ഉടൻ തന്നെ അഷ്ടാദശഭുജാ (പതിനെട്ട് കൈകളുള്ള) രൂപത്തിൽ പ്രത്യക്ഷപ്പെടുകയും, അവൾ തന്നെ ഇങ്ങനെ പറയുകയും ചെയ്തു, 'ഈ ഭൂമിയിലുള്ള 'കൂഷ്മാണ്ഡ൦ ' (അതായത് വെള്ള മത്തങ്ങ) എന്ന ഫലം, എന്റെ മൂലരൂപത്തിന് 'ബലി'യായി വളരെ പ്രിയപ്പെട്ടതാണ്, അതുകൊണ്ട് നിങ്ങൾ ഇവൾക്കും സങ്കോചമില്ലാതെ, വെള്ള മത്തങ്ങയെത്തന്നെ ബലി കൊടുക്കൂ. ഞാൻ ഇവിടെത്തന്നെ നിൽക്കാം.'

അനസൂയയുടെ വാക്ക് കേട്ട് ബ്രഹ്മർഷി കശ്യപൻ, ഒരു വലിയ, നീര്‍വീഴുന്ന വെള്ള മത്തങ്ങ മാതാ കൂഷ്മാണ്ഡയ്ക്ക് ബലി നൽകി, അതോടൊപ്പം, എല്ലാ ബ്രഹ്മർഷിമാർക്കും ഒരു കാര്യം മനസ്സിലായി, ആദിമാതാവിന്റെ എല്ലാ രൗദ്രരൂപങ്ങളെയും പോലും, വെള്ള മത്തങ്ങയുടെ ബലിക്ക് ശാന്തമാക്കാൻ സാധിക്കുമെന്ന്.

ആ യജ്ഞത്തിൽ നിന്ന് പ്രത്യക്ഷപ്പെട്ട കൂഷ്മാണ്ഡ, ആ വെള്ള മത്തങ്ങ ബലിയെ സ്നേഹത്തോടെ സ്വീകരിച്ചുകൊണ്ട് എല്ലാ യജ്ഞകർമ്മങ്ങൾക്കും

അഭയവചനം നൽകി, 'ആദിമാതാവിനും, എന്റെ എല്ലാ രൂപങ്ങൾക്കും വെള്ള മത്തങ്ങയുടെ ബലിദാനം തന്നെയായിരിക്കും ഏറ്റവും ഉന്നതം.'

ഗൗതമാ! വെള്ള മത്തങ്ങയെക്കുറിച്ച് നന്നായി പഠിക്കൂ. അതിന് സൂര്യന്റെ തീക്ഷ്ണമായ ചൂടിനെ വലിച്ചെടുക്കാൻ ഒരു അത്ഭുത കഴിവുണ്ട്.

ഏതൊരു പുതിയ സൃഷ്ടിയും, പ്രകാശമില്ലാതെ എങ്ങനെ അസാധ്യമാണോ, അതുപോലെ 'രസ'മില്ലാതെയും അസാധ്യമാണ്, 'രസ'ധാതുവിന്റെ അസ്തിത്വം ജലമില്ലാതെ അസാധ്യമാണ്.

അതുകൊണ്ടാണ്, വെള്ള മത്തങ്ങയുടെ ബലി സ്വീകരിച്ചുകൊണ്ട്, നാലാമത്തെ നവദുർഗ്ഗയായ കൂഷ്മാണ്ഡ പാർവതി, 'സ്കന്ദമാതാ' ആകാനുള്ള തയ്യാറെടുപ്പുകൾ തുടങ്ങിയത്.

സ്വന്തം സൂര്യതേജസ്സിലേക്ക് കൂഷ്മാണ്ഡത്തിന്റെ രസം ചേർത്തുകൊണ്ട്, അവൾ സൗമ്യതയും, ശാന്തതയും സ്വീകരിച്ചു, അതുകൊണ്ടാണ് ശിവന്റെയും പാർവതിയുടെയും പുത്രനായ 'സ്കന്ദന്' ജനിക്കാൻ കഴിഞ്ഞത്.

ഈ അഞ്ചാമത്തെ നവദുർഗ്ഗയായ 'സ്കന്ദമാതാ' തന്നെയാണ് ശാമ്ഭവി വിദ്യയുടെ ഒൻപതാമത്തെയും പത്താമത്തെയും ക്ലാസുകളുടെ, പടികളുടെ അധിഷ്ഠാത്രി ദേവി.

അവൾ തന്നെയാണ് നവരാത്രിയുടെ പഞ്ചമി തിഥിയിലെ രാവും പകലിന്റെയും നായിക.”

അപ്പോൾ, വളരെ തേജസ്സുള്ള, അതിമനോഹരമായ ഒരു ഋഷികുമാരി, വളരെ വിനയത്തോടെ എഴുന്നേറ്റു. അവൾ എഴുന്നേറ്റപ്പോൾ, ബ്രഹ്മവാദിനി പൂർണ്ണാഹുതിയോട് അനുവാദം ചോദിച്ചത് എല്ലാവരും ശ്രദ്ധിച്ചു. പക്ഷേ അവൾ ആരാണെന്ന് ആർക്കും

അറിയില്ലായിരുന്നു.

ആ യുവതിയെ നോക്കിക്കൊണ്ട് ലോപാമുദ്ര വളരെ വാത്സല്യത്തോടെ ചോദിച്ചു, “മോളേ! എന്താണ് നിന്റെ ചോദ്യം?” അവൾ പാതി അടഞ്ഞ കണ്ണുകളോടെ ചോദിച്ചു, “എല്ലാ സൂര്യന്മാരുടെയും തേജസ്സ് എളുപ്പത്തിൽ സഹിക്കാൻ കഴിയുന്ന പാർവതിക്ക് ശിവന്റെ... (ഉച്ചരിക്കാത്ത വാക്ക് - വീര്യം) അതിൽ നിന്നുണ്ടായ ഗർഭവും സഹിക്കാൻ കഴിയാതെ വന്നത് എങ്ങനെയാണ്? ഇതിനു പിന്നിൽ തീർച്ചയായും എന്തെങ്കിലും പവിത്രവും, നിഗൂഢമായ ഒരു രഹസ്യവു൦ ഉണ്ടായിരിക്കണം. എനിക്ക് ഈ രഹസ്യം കണ്ടെത്താൻ എപ്പോഴും ആഗ്രഹമുണ്ട്, അതിനുവേണ്ടി എനിക്ക് സ്കന്ദമാതയെ ആരാധിക്കണം. ഞാൻ ആരുടെ അടുത്തേക്കാണ് പോകേണ്ടത്?”

ബ്രഹ്മവാദിനി ലോപാമുദ്ര അവളെ അടുത്തേക്ക് വിളിച്ച് അവളുടെ നെറ്റിയിൽ വാസനിച്ചുകൊണ്ട് പറഞ്ഞു, “ഹേ രാജർഷി ശശിഭൂഷണാ, ബ്രഹ്മവാദിനി പൂർണ്ണാഹൂതി! നിങ്ങളുടെ ഈ മകൾ അവളുടെ പേരിന് അനുസരിച്ച് 'അ-ഹല്യ' തന്നെയാണ്.”

ബാപ്പു തുളസിപത്ര - 1385 എന്ന മുഖപ്രസംഗത്തിൽ തുടർന്ന് എഴുതുന്നു,

ലോപാമുദ്ര അഹല്യയോട് പതുക്കെ എന്തോ സംസാരിക്കുകയും അവളോട് തിരിച്ച് അമ്മയുടെ അടുത്ത് പോയിരിക്കാൻ പറയുകയും ചെയ്തു, എന്നിട്ട് അവൾ തുടർന്നു പറഞ്ഞു, “ഈ അഹല്യ തീർച്ചയായും വളരെ മികച്ചതും, പവിത്രവുമായ ആഗ്രഹമാണ് പ്രകടിപ്പിച്ചത്.

നവദുർഗ്ഗ സ്കന്ദമാതയുടെ ഉപാസന, സ്ത്രീക്കും പുരുഷനും ഒരുപോലെ ചെയ്യാം, സന്യാസിക്കും സാധാരണക്കാർക്കും ചെയ്യാം, ധനികനും ദരിദ്രനും ചെയ്യാം, ജ്ഞാനിക്കും അജ്ഞാനിക്കും ചെയ്യാം, അതിലൊരു സംശയവും ഇല്ല.

കാരണം, ഈ നവദുർഗ്ഗ സ്കന്ദമാത, തന്റെ പുത്രന്മാർക്കും, പുത്രിമാർക്കും ധീരത, ശൗര്യം, യുദ്ധതന്ത്രം, ആക്രമണശക്തി തുടങ്ങിയ ഗുണങ്ങളോടൊപ്പം, ആവശ്യമുള്ളപ്പോൾ, ക്ഷമയും കഷ്ടപ്പാടുകൾ സന്തോഷത്തോടെ സഹിക്കാനുള്ള കഴിവും നൽകുന്നു.

ഈ ഗുണങ്ങൾ കാരണമാണ് ഈ ഭൂമിയിൽ ധാരാളം പുണ്യവാന്മാരും, ശക്തരുമായ രാജാക്കന്മാർ ജനിച്ചത്.

അതുപോലെ, ഭാരതവർഷത്തിൽ സനാതനധർമ്മത്തിന് എപ്പോഴൊക്കെ ക്ഷയം സംഭവിക്കുന്നു, അതിന് കാരണം 'തെറ്റായ പാതയിലുള്ളവരുടെ ആക്രമണം' ആകുമ്പോൾ, ഈ നവദുർഗ്ഗ സ്കന്ദമാത തന്നെ, അവളുടെ നല്ല ഭക്തർക്ക് മുകളിൽ പറഞ്ഞ എല്ലാ ഗുണങ്ങളും നൽകിക്കൊണ്ടിരിക്കും, സനാതന വൈദിക ധർമ്മത്തെ തിരികെ അതിന്റെ ഉന്നത സ്ഥാനത്ത് എത്തിക്കും.

ഇതുവരെ അവളുടെ സാധന എപ്പോഴൊക്കെ ചെയ്തിട്ടുണ്ടോ, അപ്പോഴൊക്കെ ഭാരതവർഷത്തിൽ സ്കന്ദ കാർത്തികേയനെപ്പോലെ മികച്ച സേനാപതികൾ ഉണ്ടായിട്ടുണ്ട്.

ഇപ്പോൾ ഭണ്ഡാസുരന്റെ രൂപത്തിൽ ശ്യേൻ പ്രദേശത്ത് (ചൈന) ഭാരതത്തിന് എതിരെയുള്ള അസുരന്മാർ ഉയർന്നു വന്നിരിക്കുന്നു, അതുകൊണ്ട് ഹേ അഹല്യ!

നിന്റെ പഠനം, സാധന എന്നിവകൊണ്ട് ഭണ്ഡാസുരന്റെ വധത്തിന് അനുയോജ്യമായ നല്ലൊരു അന്തരീക്ഷം തീർച്ചയായും ഉണ്ടാകും.

ശാമ്ഭവി വിദ്യയുടെ ഒൻപതാമത്തെയും, പത്താമത്തെയും പടികളിൽ ആത്മീയ സാധനയിലും ലൗകിക ജീവിതത്തിലും പുരോഗതിയെ എതിർക്കുന്നവരുമായി, അതായത് അഭ്യുദയത്തെ എതിർക്കുന്നവരുമായി, കരുത്തുറ്റ യുദ്ധം ആരംഭിക്കേണ്ടി വരും, അതിനുവേണ്ടി അസുരപ്രകൃതികളോട് എങ്ങനെ പോരാടണമെന്ന് പഠിക്കേണ്ടത് വളരെ അത്യാവശ്യമാണ്.

കാരണം, ഈ അസുരപ്രകൃതികൾ, വൃത്രാസുരന്റെ കഴുകന്മാരിലൂടെ, മനുഷ്യ മനസ്സിൽ പ്രവേശിച്ച്, ഭൂമിയിലെ അസുരശക്തിയെ വർദ്ധിപ്പിച്ചുകൊണ്ടിരിക്കും.

മനുഷ്യന്റെ മനസ്സിലുള്ള അങ്ങനെയുള്ള അസുരപ്രകൃതികളെ പൂർണ്ണമായി ഇല്ലാതാക്കുന്ന ജോലിയാണ്, സ്കന്ദ കാർത്തികേയൻ ചെയ്യുന്നത്.

അതിനുവേണ്ടി, അദ്ദേഹത്തിന് സ്വന്തം സാധനയുടെ ആവശ്യമില്ല, മറിച്ച്, അദ്ദേഹത്തിന് നവരാത്രി സാധനയുടെയും, ആദിമാതാവിന്റെ ജ്ഞാനരസം കൊണ്ടുള്ളതും, ശൗര്യരസം കൊണ്ട് രൂപപ്പെട്ടതുമായ രൂപത്തിന്റെ സാധനയുടെയും ആവശ്യമുണ്ട്.

ആദിമാതാവിന്റെ ഈ രൂപത്തെ 'ശ്രീ ലലിതാംബികാ' എന്ന് പറയുന്നു.

പുത്രൻ സ്കന്ദന്, ആദ്യമായി മുലയൂട്ടുന്ന സമയത്താണ് ഈ നവദുർഗ്ഗ സ്കന്ദമാത ആദ്യമായി 'ലലിതാസഹസ്രനാമം' ഉച്ചരിച്ചത്, അതുകൊണ്ടുതന്നെ ലലിതാസഹസ്രനാമത്തിന്റെ പഠനം, മനനം, ചിന്തനം എന്നിവയാണ് ശാമ്ഭവിവിദ്യയുടെ ഒൻപതാമത്തെയും,

പത്താമത്തെയും പടികളിലെ പ്രധാന സാധന.

ഹേ പുത്രി അഹല്യ! ഭഗവാൻ ഹയഗ്രീവൻ സ്വയം മാർക്കണ്ഡേയ ഋഷിക്ക് ഈ ലലിതാസഹസ്രനാമം ഇപ്പോൾ പഠിപ്പിച്ചു. നീ ബ്രഹ്മർഷി മാർക്കണ്ഡേയന്റെ അടുത്തേക്ക് പോയി, അദ്ദേഹത്തിന്റെ ശിഷ്യയായി ലലിതാസഹസ്രനാമത്തിന്റെ സാധികയാവുകയും, 'വജ്രാദപി കഠോരാണി', 'മൃദൂനി കുസുമാദപി' എന്നീ സിദ്ധി നേടിയെടുക്കുകയും ചെയ്യുക.

കാരണം ഈ തത്വത്തിലാണ് നവദുർഗ്ഗ സ്കന്ദമാത പുഷ്കലമായി ഒഴുകുന്നത്.

ഹേ ശുദ്ധബുദ്ധി ഗൗതമാ! നീ ഇവളോടൊപ്പം ബ്രഹ്മർഷി മാർക്കണ്ഡേയന്റെ ആശ്രമത്തിൽ പോകണമെന്നാണ് എന്റെ നിർദ്ദേശം.”

ലോപാമുദ്രയുടെ ഈ നിർദ്ദേശം കേട്ടപ്പോൾ രാജർഷി ശശിഭൂഷൺ മകളെക്കുറിച്ചുള്ള ചിന്തകൊണ്ട് അല്പം വിഷമിച്ചു - അവിവാഹിതയും, ചെറുപ്പക്കാരിയുമായ മകളെ അതുപോലെയുള്ള അവിവാഹിതനും, ചെറുപ്പക്കാരനുമായ ഋഷികുമാരന്റെ കൂടെ, ദൂരയാത്രയ്ക്ക് അയക്കുന്നത് അദ്ദേഹത്തിന് ശരിയായി തോന്നിയില്ല. പക്ഷേ ബ്രഹ്മവാദിനി പൂർണ്ണാഹുതി വളരെ സന്തോഷത്തിലായിരുന്നു.


ശശിഭൂഷൺ തന്റെ ഭാര്യയുടെ ചെവിയിൽ തന്റെ മനസ്സിലുള്ള ഈ സംശയം പതുക്കെ പറഞ്ഞപ്പോൾ, അവൾ ചിരിച്ചുകൊണ്ട് അവന്റെ ചെവിയിൽ പറഞ്ഞു, “നിങ്ങൾ ഒരൊറ്റ വാക്ക് മറന്നുപോവുകയാണ് - 'അനുരൂപ' - പരസ്പരം ചേർന്നവർ.”

ബ്രഹ്മവാദിനി ലോപാമുദ്ര ഇതെല്ലാം കണ്ടും, മനസ്സിലാക്കിയും ഇരിക്കുകയായിരുന്നു. അവൾ ഋഷി ഗൗതമനെയും, ഋഷികുമാരി അഹല്യയെയും തന്റെ

അടുത്തേക്ക് വിളിച്ചു, ഗൗതമന്റെ വളർത്തച്ഛനായ കശ്യപനെയും, അഹല്യയുടെ മാതാപിതാക്കളെയും വിളിച്ചു.

അവരെല്ലാം സമ്മതം നൽകി, കൈലാസത്തിൽ സന്തോഷം നിറഞ്ഞു. കാരണം, അവിടെയുണ്ടായിരുന്ന എല്ലാവർക്കും ഈ ദമ്പതികളുടെ യോജിപ്പ് പൂർണ്ണമായും സ്വീകാര്യമായിരുന്നു, അവർക്കത് ഇഷ്ടപ്പെടുകയും ചെയ്തു.

ബ്രഹ്മർഷി വസിഷ്ഠനും, ബ്രഹ്മവാദിനി അരുന്ധതിയും സ്വയം ആ ചടങ്ങിന്റെ ഉത്തരവാദിത്തം ഏറ്റെടുത്തു.

ഗൗതമൻ അഹല്യയുടെ കൈ പിടിച്ച് അവളോടൊപ്പം ഉടൻ തന്നെ ബ്രഹ്മർഷി മാർക്കണ്ഡേയന്റെ ആശ്രമത്തിലേക്ക് പുറപ്പെട്ടു.

ശ്രീവരദചണ്ഡികാ പ്രസന്നോത്സവത്തിൽ ആദിമാത മഹാകാലി, മഹാലക്ഷ്മി, മഹാസരസ്വതി എന്നിവയെ ഈ ത്രിദേവതകളേ സദ്ഗുരു ശ്രീഅനിരുദ്ധ ബാപു

അവിടെയുണ്ടായിരുന്ന എല്ലാവർക്കും, ഈ നവദമ്പതികൾക്ക് വിവാഹശേഷം കുറച്ചു കാലമെങ്കിലും കഷ്ടപ്പാടുകളില്ലാതെയും, സുഖസൗകര്യങ്ങളോടെയും ജീവിക്കാൻ കഴിയണമെന്ന് തോന്നി.

അവരുടെയെല്ലാം മനസ്സിലുള്ള ഈ വികാരം മനസ്സിലാക്കിക്കൊണ്ട്, ഭഗവാൻ ഹയഗ്രീവൻ അവിടെ പ്രത്യക്ഷപ്പെട്ട് ആദിമാതാവിനെ വന്ദിച്ചുകൊണ്ട് പറഞ്ഞു, “ഹേ ആദിമാതാവേ! എനിക്ക് ഈ നവദമ്പതികളെ എന്റെ പുറത്ത് ഇരുത്തി ഒറ്റ നിമിഷം കൊണ്ട് മാർക്കണ്ഡേയന്റെ ആശ്രമത്തിൽ എത്തിക്കാൻ കഴിയും. അതുവഴി, അവരുടെ 29 ദിവസത്തെ യാത്രാ സമയം അവർക്ക് വിവാഹജീവിതം തുടങ്ങാൻ ലഭിക്കും.”

ആദിമാതാവ് സന്തോഷത്തോടെ ഹയഗ്രീവന് അനുവാദം നൽകി.

ഹയഗ്രീവൻ ഗൗതമനെയും അഹല്യയെയും തന്റെ തോളിൽ കയറ്റി, കൈ കൂപ്പിക്കൊണ്ട് ആദിമാതാവിനോട് ചോദിച്ചു, “ഹേ ആദിമാതാവേ! എല്ലാ ബ്രഹ്മർഷിമാരും, മഹർഷിമാരും ഇവിടെ കൂടിയിരിക്കുമ്പോൾ മാർക്കണ്ഡേയൻ മാത്രം എന്തിനാണ് ഇപ്പോഴും അദ്ദേഹത്തിന്റെ ആശ്രമത്തിൽത്തന്നെ ഇരിക്കുന്നത്?”

ആദിമാതാവ് ശ്രീവിദ്യ മറുപടി പറഞ്ഞു, “നവബ്രഹ്മർഷി മാർക്കണ്ഡേയൻ നിന്നെ കാത്തിരിക്കുകയാണ്.”

 

मराठी >> हिंदी >> English >> ગુજરાતી>> ಕನ್ನಡ>> తెలుగు>> বাংলা>> தமிழ்>>