രാമരക്ഷാ പ്രവചനം 7 - ധൃതശരധനുഷം

ദുഃഖബന്ധനത്തിൽ നിന്നും മുക്തി നൽകുന്ന ‘രാമബാണം’

സദ്ഗുരു ശ്രീ അനിരുദ്ധ ബാപ്പു രാമരക്ഷാ സ്തോത്രമന്ത്ര പരമ്പരയിലെ 7-ാമത്തെ പ്രവചനത്തിൽ പറയുന്നു, ആകാശത്തുനിന്ന് വീഴുന്ന ഓരോ തുള്ളിയും അവസാനം സമുദ്രത്തിൽ തന്നെ ചേരുന്നത് പോലെ, ഏത് ഭാഷയിൽ നിന്നോ, പ്രദേശത്തു നിന്നോ വന്നാലും, ഭഗവാന്റെ വിവിധ പവിത്ര രൂപങ്ങളിലുള്ള ഭക്തി അവസാനം ആ പരമേശ്വരനിലേക്ക് തന്നെ എത്തിച്ചേരുന്നു. ഈ ഭക്തിക്കും, സ്നേഹത്തിനും യാതൊരു ബന്ധനവുമില്ല. എന്നാൽ, മനുഷ്യ ജീവിതത്തിൽ ദുഃഖങ്ങളുടെ അനേകം ബന്ധനങ്ങളാൽ നമ്മൾ തളയ്ക്കപ്പെട്ടിരിക്കുന്നു, അതിൽ നിന്നും മോചിപ്പിക്കുന്ന യഥാർത്ഥ ഉപായമാണ് ’രാമബാണം’. അതുകൊണ്ടാണ് ‘രാമബാണ ഉപായം’ അല്ലെങ്കിൽ ‘രാമബാണ ഔഷധം’ എന്ന വാക്കുകൾ നമ്മൾ ഉപയോഗിക്കുന്നത്.

‘ധൃതശരധനുഷം’ – കൈയിലെ വില്ലിൽ അമ്പെയ്തു നിൽക്കുന്ന രാമൻ

രാമരക്ഷയുടെ ധ്യാനമന്ത്രത്തിൽ രാമന്റെ വർണ്ണന “ധ്യായേദാജാനുബാഹും ധൃതശരധനുഷം” എന്നാണ്, അതായത്, കൈയിൽ വില്ലും അമ്പും ധരിച്ചിട്ടുള്ള രാമൻ. രാമൻ എപ്പോഴും വില്ലും അമ്പും ധരിച്ചു മാത്രമേ കാണപ്പെടുന്നുള്ളൂ, വേറെയൊരു ആയുധവും അദ്ദേഹം ധരിക്കുന്നില്ല. അതുകൊണ്ടാണ്, ബുധകൗശികൻ അതായത് വിശ്വാമിത്ര ഋഷി, കൈയിലെ വില്ലിൽ അമ്പ് തൊടുത്തു നിൽക്കുന്ന അവസ്ഥയിലുള്ള രാമനെ ധ്യാനിക്കാൻ പറയുന്നത്.

രാമന്റെ ബാണത്തിന്റെ ഏഴ് അദ്വിതീയ ഗുണങ്ങൾ

സദ്ഗുരു ശ്രീ അനിരുദ്ധൻ, ഈ പ്രവചനത്തിൽ രാമന്റെ ബാണത്തിന്റെ ഏഴ് അദ്വിതീയ ഗുണങ്ങൾ പറഞ്ഞിട്ടുണ്ട്. അതിൽ ഒന്നാമത്തേത്, അത് എപ്പോഴും കൃത്യമായിരിക്കും (അചൂക്), കൂടാതെ ആ ബാണത്തിന്റെ കൃത്യതയും പ്രവൃത്തിയും രാമന്റെ ഇച്ഛയനുസരിച്ച് ആയിരിക്കും. രാമന്റെ ഇച്ഛയനുസരിച്ച് ഒരുപക്ഷേ ബാണം ശത്രുവിന്റെ നെഞ്ചിലൂടെ തുളച്ചു കയറുമെങ്കിലും, അവന്റെ ജീവൻ എടുക്കില്ല എന്നാണെങ്കിൽ അങ്ങനെ തന്നെ സംഭവിക്കും. ഈ ബാണത്തിന്റെ പ്രത്യേകത എന്തെന്നാൽ, അത് തിന്മയെ മാത്രം നശിപ്പിക്കുന്നു, ഒരിക്കലും തെറ്റ് ചെയ്യുന്നില്ല.

ശൈത്താൻ എന്നാൽ അഭാവം – രാമബാണം എന്നാൽ ഭാവനിർമ്മിതി

പരമേശ്വരൻ ഒരിക്കലും ആർക്കും ദോഷം ചെയ്യില്ല. പരമേശ്വരൻ ഭാവസ്വരൂപനാണ്. പരമേശ്വരന്റെ അഭാവം, എന്റെ മനസ്സിൽ ഉണ്ടാകുന്നതാണ് ശൈത്താൻ. അതുകൊണ്ടാണ്, അഭാവത്തിന്, അതായത് ശൈത്താന് വേറൊരു അസ്തിത്വമില്ല. എപ്പോൾ പരമേശ്വരൻ സാക്ഷിരൂപത്തിൽ മാത്രം നിൽക്കുന്നുവോ, അദ്ദേഹത്തിന്റെ ക്രിയാശീലത എവിടെ ഇല്ലയോ, അവിടെയാണ് ശൈത്താനിക വൃത്തിയുടെ ഉദയം, രാമബാണം എപ്പോൾ ഇത്തരം ശൈത്താന്റെ നെഞ്ചിലൂടെ, ശൈത്താനിക വൃത്തിയുള്ള മനുഷ്യന്റെ നെഞ്ചിലൂടെ പോകുന്നുവോ, അപ്പോൾ അത് ഭാവത്തെ ഉത്പാദിപ്പിക്കുന്നു. രാമബാണം കൃത്യമാണ്; തെറ്റുകൾ തിരുത്തുന്നതാണ്.

സദ്ഗുരു അനിരുദ്ധ ബാപ്പു ഒരു കഥയിലൂടെ വ്യക്തമാക്കുന്നു, രാമന്റെ ബാണം അഭാവം മാറ്റാൻ വേറൊരു സ്ഥലത്തുനിന്നും ഒന്നും കൊണ്ടുവരുന്നില്ല, മറിച്ച്, എവിടെയാണോ അഭാവമുള്ളത് അവിടെത്തന്നെ ഭാവം നിർമ്മിക്കുന്നു. ഉദാഹരണത്തിന്, രാമന് ഒരു പ്രത്യേക സ്ഥലത്ത് ബാണമെയ്ത് ഗംഗയെ കൊണ്ടുവരണമെങ്കിൽ, ആ പ്രത്യേക സ്ഥലത്തുനിന്ന് ഗംഗ ഉള്ളിടം വരെ തന്റെ ബാണം കൊണ്ട് ഭൂമി പിളർന്ന് ഗംഗയെ കൊണ്ടുവരുന്നതിന് പകരം, രാമൻ എവിടെ ബാണമെയ്യുന്നുവോ അവിടെത്തന്നെ ഗംഗ ഉത്ഭവിക്കുന്നു. രാമൻ വില്ലിൽ അമ്പ് തൊടുത്തു നിൽക്കുന്നു എന്ന് നമ്മൾ അദ്ദേഹത്തെ ധ്യാനിക്കുമ്പോൾ, ഈ ബാണം എന്നിലേക്ക് വന്ന്, എന്നിലെ എല്ലാ തിന്മകളെയും അകറ്റും, എന്റെ പ്രാരബ്ധത്തെ നശിപ്പിക്കും, എന്ന ചിന്ത എപ്പോൾ എന്റെ മനസ്സിൽ അധികാധികം ദൃഢമാകുന്നുവോ, അതുവഴി എന്റെ അഷ്ടഭാവങ്ങൾ ഉണർന്ന്, എന്റെ കണ്ണുകളിൽ നിന്ന് വെള്ളം ഒഴുകാൻ തുടങ്ങുമല്ലോ, അത് ഗംഗയാണ്, രാമന്റെ ബാണത്താൽ ഉത്ഭവിച്ച ഗംഗയാണ്, അത് എന്റെ മുഴുവൻ ജീവിതത്തിനും പവിത്രത നൽകുന്നു.

മുറിവുണക്കി തിരികെ വരുന്ന രാമബാണം

രാമന്റെ ബാണത്തിന്റെ രണ്ടാമത്തെ പ്രത്യേകത, രാമൻ തന്റെ ബാണം ഏത് ദിശയിലേക്കാണോ അയക്കുന്നത് അതേ ദിശയിൽ തിരികെ വരുന്നു. ഈ ബാണം കൊണ്ട്, എന്ത് മുറിവാണോ ഉണ്ടായത് അതേ മുറിവ് ഉണക്കി (നിറച്ച്) ആ ബാണം തിരികെ വരുന്നു. മുറിവുണ്ടായി എന്നാൽ, ശരീരത്തിലെ കോശങ്ങളുടെ അഭാവം ഉണ്ടായി എന്നർത്ഥം. ആ അഭാവത്തെ ഭാവമായി മാറ്റാൻ, ആ ബാണം വീണ്ടും അതേ ദിശയിൽ തിരികെ വരുന്നു, അതായത് അദ്ദേഹത്തിന്റെ അക്ഷയ ആവനാഴിയിലേക്ക് (Quiver) തിരികെ വരുന്നു.

വേദനാരഹിതവും രക്തരഹിതവുമായ രാമബാണം

മൂന്നാമത്തെ പ്രത്യേകത, രാമന്റെ ബാണത്തിൽ ഒരിക്കലും രക്തം പുരയില്ല, കൂടാതെ രാമബാണം ഒരിക്കലും വേദന നൽകില്ല. രാമന്റെ ബാണം എപ്പോൾ ഏതൊരു ജീവിയുടെ ശരീരത്തിൽ കടക്കുന്നുവോ, ആ ജീവി എത്ര പാപിയായാലും പുണ്യവാനായാലും, അവന്റെ ശരീരം രാമന്റെ ബാണത്തെ സ്വാഗതം ചെയ്യുന്നു. ആ ബാണത്തിന്, ജീവിയുടെ ശരീരത്തിന്റെ ഓരോ ഭാഗവും വഴി നൽകുന്നു.

108 ശക്തികേന്ദ്രങ്ങളെ ഉണർത്തുന്ന രാമബാണം

നാലാമത്തെ പ്രത്യേകത, രാമന്റെ ബാണം ശരീരത്തിന്റെ ഏത് ഭാഗത്തുകൂടി പോയാലും, അത് ശരീരം മുഴുവനുമുള്ള 108 ശക്തികേന്ദ്രങ്ങളെയും ഉണർത്തുന്നു.

ആവാഹനം/വെല്ലുവിളി ഇല്ലാതെ പോകാത്ത രാമബാണം

രാമന്റെ ബാണത്തിന്റെ അഞ്ചാമത്തെ പ്രത്യേകത, എതിരെയുള്ള ആൾ ആവാഹനം ചെയ്യാതെ അല്ലെങ്കിൽ വെല്ലുവിളി (Challenge) നൽകാതെ രാമൻ ഒരിക്കലും ബാണം തൊടുക്കില്ല. ബാണം ആവാഹനം, അല്ലെങ്കിൽ വെല്ലുവിളി ഉണ്ടായാൽ മാത്രമേ പുറപ്പെടൂ. രാമൻ പൂർണ്ണ സത്വഗുണിയായതിനാൽ അദ്ദേഹം അചലനാണ് (Masterly Inactive). നമ്മൾ അദ്ദേഹത്തെ എപ്പോൾ വരെ ആവാഹനം ചെയ്യുന്നില്ലയോ, അപ്പോൾ വരെ അദ്ദേഹം ചലിക്കില്ല, ബാണം തൊടുക്കില്ല. രാമന്റെ പ്ലാൻ എപ്പോഴും എതിരെയുള്ള വ്യക്തിയെ അനുസരിച്ചായിരിക്കും. അതുകൊണ്ട്, അദ്ദേഹത്തെ ചലിപ്പിക്കാൻ രാവണനേക്കാൾ ഹനുമാനെപ്പോലെയുള്ള ഭക്തനാകുന്നതാണ് എപ്പോഴും നല്ലത്.

പ്രേമവും ദ്വേഷവും അനുസരിച്ച് വേണ്ടിവരുന്ന രാമബാണങ്ങളുടെ എണ്ണം

ആറാമത്തെ പ്രത്യേകത, നമുക്ക് രാമനോടുള്ള പ്രേമവും ഭക്തിയും എത്രത്തോളം ആഴമുള്ളതാണോ, അത്രയും കുറച്ച് ബാണങ്ങളുടെ ആവശ്യമേ വരൂ; നേരെമറിച്ച്, ദ്വേഷം എത്രത്തോളം അധികമാണോ, അത്രയും അധികം ബാണങ്ങൾ വേണ്ടിവരും. ഇതിനെക്കുറിച്ച് സദ്ഗുരു അനിരുദ്ധ ബാപ്പു പറയുന്നു, രാമൻ രാവണനുവേണ്ടി അസംഖ്യം ബാണങ്ങൾ ഉപയോഗിച്ചു, എന്നാൽ നമ്മൾ മുൻപത്തെ പ്രവചന കഥയിൽ കേട്ടതുപോലെ ഹനുമാന് എയ്ത ഒരൊറ്റ ബാണത്താൽ രാമൻ സ്വയം മുറിവേറ്റു.

ധ്യാസ് (അദമ്യമായ ആഗ്രഹം) ഉണ്ടായാൽ മാത്രം പുറപ്പെടുന്ന രാമബാണം

രാമന്റെ ബാണത്തിന്റെ ഏഴാമത്തെ പ്രത്യേകത, രാമന്റെ ബാണം അപ്പോൾ മാത്രമേ പുറപ്പെടൂ, എപ്പോഴാണോ എതിരെയുള്ള വ്യക്തി ശത്രുതയിലോ മിത്രതയിലോ രാമന്റെ ധ്യാസ് എടുക്കാതിരിക്കുന്നത്. നമുക്ക് ഒരിക്കൽ രാമന്റെ ധ്യാസ് (ചിന്ത/ധ്യാനം) ഉണ്ടായാൽ, രാമന്റെ ബാണം പുറപ്പെടും, കൂടാതെ രാമനും നമ്മുടെ ധ്യാസ് ഉണ്ടാകും. സംത് കബീർദാസ് പറയുന്നു – “രാം ഹമാരാ ജപ് കരേ, ഹം ബൈഠേ ആരാം”. അതായത് എപ്പോൾ നമ്മൾ രാമന്റെ ധ്യാസ് എടുക്കുന്നുവോ, അപ്പോൾ രാമനും നമ്മുടെ ധ്യാസ് ഉണ്ടാകുന്നു. ലൗകിക ജീവിതത്തിൽ എന്തിന്റെയെങ്കിലും ധ്യാസ് വെച്ചോളൂ, പക്ഷേ രാമന്റെ ധ്യാസ് മാത്രം എപ്പോഴും ഉണ്ടായിരിക്കണം; പിന്നെ രാമന്റെ ഏത് രൂപമായാലും, കൃഷ്ണനായാലും മഹാവിഷ്ണു ആയാലും. അദ്ദേഹം ഒന്നാണ്. ഇത്തരം 7 പ്രത്യേകതകളുള്ള ബാണം നമ്മുടെ വില്ലിൽ തൊടുത്തിട്ടുണ്ട്. ഈ വില്ലും വിശേഷപ്പെട്ടതാണ്. അതിന് മൂന്ന് ഗുണങ്ങളുണ്ട്:

രാമന്റെ നിരാകാരമായ വില്ല്

രാമന്റെ വില്ല് നിരാകാരമാണ്, അതായത് അതിന് പ്രത്യേക ആകാരമില്ല. അത് രാമന്റെ ഇച്ഛയനുസരിച്ച് വേണ്ട ആകാരം എപ്പോൾ വേണമെങ്കിലും സ്വീകരിക്കും.

സ്ഥിരത നൽകുന്ന രാമന്റെ വില്ല്

രാമന്റെ വില്ല് സദാ അധഃ-ഊർദ്ധ്വ (താഴെ-മുകളിൽ) ഈ രണ്ട് ദിശകളിലും സ്ഥിരമായിരിക്കും. അതായത്, അത് നേരെയായിരിക്കും, വളയില്ല. ഈ വില്ല് ബാണത്തിന് യോഗ്യമായ വേഗതയും, സ്ഥിരതയും നൽകുന്നു. രാമന്റെ വില്ലിന്റെ താഴത്തെ അറ്റം ബാണം ഘടിപ്പിച്ചാലും നിലത്ത് മുട്ടിയിരിക്കും, ഭൂമിയുമായി ബന്ധം പറയുന്നതാണ്, അതുകൊണ്ട് അത് സ്ഥിരമായിരിക്കും. രാമൻ തന്റെ ഭക്തന് അവന്റെ ഉപാസനയുടെ ഫലം എത്രത്തോളം താങ്ങാൻ കഴിയുമോ അത്രയും ഫലം നൽകുന്നു.

സദാ പ്രവർത്തിച്ചുകൊണ്ടിരിക്കുന്ന രാമന്റെ വില്ല്

രാമന്റെ അവതാരത്തിന് മുൻപും, ശേഷവും ഈ വില്ല് സജീവമാണ്. യഥാർത്ഥത്തിൽ, രാമന്റെ വില്ല് എന്നാൽ ഹനുമാനാണ്. ഹനുമാൻ എന്നാൽ രാമന്റെ വില്ല്, അവന്റെ ഗദ എന്നാൽ രാമനാമം. അതുകൊണ്ട് എവിടെ രാമനാമമുണ്ടോ അവിടെ ഹനുമാൻ ഉണ്ടായിരിക്കും. രാമ-ഹനുമാൻ ബന്ധം അഭേദ്യമാണ്.

രാമന്റെ ആയുധങ്ങളും ലക്ഷ്മണനും സീതയും ഹനുമാനും

സദ്ഗുരു ശ്രീ അനിരുദ്ധൻ തുടർന്ന് പറയുന്നു രാമന്റെ വില്ല്, രാമന്റെ ബാണം, രാമന്റെ ആവനാഴി ഈ മൂന്ന് ആയുധങ്ങളുടെയും ഉടമസ്ഥാവകാശം യഥാർത്ഥത്തിൽ രാമനല്ല, അവയെ സംരക്ഷിക്കുന്നതും നിയന്ത്രിക്കുന്നതും മഹാശേഷനായ ലക്ഷ്മണനാണ്. അതായത് രാമന്റെ ബാണം, രാമന്റെ വില്ല്, രാമന്റെ ആവനാഴി, ഇവ രാമന്റെ ശരീരത്തിൽ നിന്നും എടുത്തുമാറ്റുന്നതും, തിരികെ രാമന്റെ ശരീരത്തിൽ അണിയിക്കുന്നതും ആയ പ്രവൃത്തി, ആ ഏകനായ മഹാശേഷ ലക്ഷ്മണന് മാത്രമേ ചെയ്യാൻ കഴിയൂ. രാമന്റെ വില്ല് എന്നാൽ ഹനുമാൻ, എന്നാൽ ഈ വില്ല് ഉപയോഗിക്കാനുള്ള ഇച്ഛാശക്തി എന്നാൽ സീതാദേവി.

രാമന്റെ ബാണത്തിന്റെ പ്രവൃത്തി എന്തെന്നാൽ, നമ്മുടെ ജീവിതത്തിലെ പുരുഷാർത്ഥം ഏതാണോ നഷ്ടപ്പെട്ടത്, അല്ലെങ്കിൽ ധർമ്മം, അർത്ഥം, കാമം, മോക്ഷം, ഭക്തി അല്ലെങ്കിൽ മര്യാദ, ഈ പുരുഷാർത്ഥങ്ങളുടെ എന്ത് അഭാവമാണോ ഉണ്ടായത്, ആ പുരുഷാർത്ഥം വീണ്ടും സിദ്ധമാക്കുക എന്നതാണ്. ഇതിനായി, നമ്മൾ രാമരക്ഷ ചൊല്ലുമ്പോൾ രാമനെ ധ്യാനിക്കുമ്പോൾ ‘ധൃതശരധനുഷം’ രാമൻ, അതായത് ആവനാഴിയോടെ, ബാണത്തോടെ, വില്ലോടെ രാമനെ നമ്മുടെ കൺമുൻപിൽ കൊണ്ടുവരണം.

ദൈവത്തിന് കീഴടങ്ങാൻ (ശരണാഗതി) ഭ്രാന്ത് പിടിപ്പിക്കുന്ന ധ്യാനമന്ത്രം

അവസാനം ബാപ്പു പറയുന്നു, ധ്യാനമന്ത്രം ചൊല്ലുമ്പോൾ എത്ര സാധിക്കുമോ അത്രയും ധ്യാനം ചെയ്യാൻ ശ്രമിക്കണം. ഇതിനായി രാമരക്ഷ ചൊല്ലുമ്പോൾ, ധ്യാനം ചെയ്യുമ്പോൾ ഓരോ വാക്കിന്മേലും ശ്രദ്ധ കൊടുത്താൽ മതിയാകും. ധ്യാനമന്ത്രത്തിന്റെ ജോലി എന്താണ്? ഈ ധ്യാനമന്ത്രം കാരണമാണ് എനിക്ക് ദൈവത്തിന്റെ നാമത്തിൽ ഭ്രാന്ത് പിടിക്കുന്നത്, എനിക്ക് ദൈവത്തിന്റെ സ്തുതിയിൽ ഭ്രാന്ത് പിടിക്കുന്നത്, എനിക്ക് ദൈവത്തിന്റെ രൂപത്തിൽ ഭ്രാന്ത് പിടിക്കുന്നത്. എനിക്ക് ദൈവത്തിൽ ശരണം പ്രാപിക്കാൻ ഭ്രാന്ത് പിടിക്കുന്നു. ഇതെല്ലാം ചെയ്യുന്ന ജോലി ആരാണോ ചെയ്യുന്നത് അതാണ് ധ്യാനമന്ത്രം.

--------------